Mat 20:20-28 | SBLG | STEP | Τότε προσῆλθεν αὐτῷ ἡ μήτηρ τῶν υἱῶν Ζεβεδαίου μετὰ τῶν υἱῶν αὐτῆς προσκυνοῦσα καὶ αἰτοῦσά τι παρ᾽ αὐτοῦ.

Matthew 20:20-28

20 Τότε προσῆλθεν αὐτῷ ἡ μήτηρ τῶν υἱῶν Ζεβεδαίου μετὰ τῶν υἱῶν αὐτῆς προσκυνοῦσα καὶ αἰτοῦσά τι ^{▼▼ παρ᾽ = RP: || ἀπ᾽ = WH Treg NA/NIV} παρ᾽ αὐτοῦ. 21 ὁ δὲ εἶπεν αὐτῇ· Τί θέλεις; λέγει αὐτῷ· Εἰπὲ ἵνα καθίσωσιν οὗτοι οἱ δύο υἱοί μου εἷς ἐκ δεξιῶν ^{▼▼ σου = Treg NA/NIV RP: || [omit] = WH} σου καὶ εἷς ἐξ εὐωνύμων σου ἐν τῇ βασιλείᾳ σου. 22 ἀποκριθεὶς δὲ ὁ Ἰησοῦς εἶπεν· Οὐκ οἴδατε τί αἰτεῖσθε· δύνασθε πιεῖν τὸ ποτήριον ὃ ἐγὼ μέλλω ^{▼▼ πίνειν = WH Treg NA/NIV: || πίνειν ἢ τὸ βάπτισμα ὃ ἐγὼ βαπτίζομαι βαπτισθῆναι = RP} πίνειν; λέγουσιν αὐτῷ· Δυνάμεθα. 23 ^{▼▼ λέγει = WH Treg NA/NIV: || Καὶ λέγει = RP} λέγει αὐτοῖς· Τὸ μὲν ποτήριόν μου ^{▼▼ πίεσθε = WH Treg NA/NIV: || πίεσθε καὶ τὸ βάπτισμα ὃ ἐγὼ βαπτίζομαι βαπτισθήσεσθε = RP} πίεσθε, τὸ δὲ καθίσαι ἐκ δεξιῶν μου καὶ ἐξ ^{▼▼ εὐωνύμων = WH Treg NA/NIV: || εὐωνύμων μου = RP} εὐωνύμων οὐκ ἔστιν ^{▼▼ ἐμὸν = WH Treg NIV RP: || ἐμὸν τοῦτο = WHmarg NA} ἐμὸν δοῦναι, ἀλλ᾽ οἷς ἡτοίμασται ὑπὸ τοῦ πατρός μου.

24 Καὶ ἀκούσαντες οἱ δέκα ἠγανάκτησαν περὶ τῶν δύο ἀδελφῶν. 25 ὁ δὲ Ἰησοῦς προσκαλεσάμενος αὐτοὺς εἶπεν· Οἴδατε ὅτι οἱ ἄρχοντες τῶν ἐθνῶν κατακυριεύουσιν αὐτῶν καὶ οἱ μεγάλοι κατεξουσιάζουσιν αὐτῶν. 26 οὐχ οὕτως ^{▼▼ ἔσται = NA/NIV: || δέ ἔσται = RP; || ἐστὶν = WH Treg} ἔσται ἐν ὑμῖν· ἀλλ᾽ ὃς ^{▼▼ ἂν = WH Treg: || ἐὰν = NA/NIV RP} ἂν θέλῃ ἐν ὑμῖν μέγας γενέσθαι ἔσται ὑμῶν διάκονος, 27 καὶ ὃς ^{▼▼ ἂν = WH Treg NA/NIV: || ἐὰν = RP} ἂν θέλῃ ἐν ὑμῖν εἶναι πρῶτος ^{▼▼ ἔσται = WH Treg NA/NIV: || ἔστω = RP} ἔσται ὑμῶν δοῦλος· 28 ὥσπερ ὁ υἱὸς τοῦ ἀνθρώπου οὐκ ἦλθεν διακονηθῆναι ἀλλὰ διακονῆσαι καὶ δοῦναι τὴν ψυχὴν αὐτοῦ λύτρον ἀντὶ πολλῶν.